Presidenti i AKR-së është takuar me laureatin e çmimit ndërkombëtar “Letërsia Shqiptare” të dhënë nga Biblioteka Kombëtare e Kosovës ”Pjetër Bogdani”, Ismail Kadare.

Shkrimtari i shquar është duke qëndruar në Kosovë në një vizitë disaditore, shkruan portali arbresh.info. Ai është takuar me krerë të institucioneve si dhe me ish-presidentin e Kosovës, Pacolli.

Në një shkrim në faqen e tij Pacolli ka treguar për takimin e tij me shkrimtarin, ku ka thënë: “Dje në shtëpi kisha një mysafir të rrallë, një figurë që bashkon kombin, që e lartëson imazhin e shqiptarit në botë me talentin dhe gjeninë e tij, Ismail Kadare me zonjën e tij Helena. Biseduam për Kombin dhe probleme të tjera”.

Postimin e tij i pari i AKR-së e ka shoqëruar me fotografi nga vizita e Ismail e Helena Kadare./Arbresh.info

Mysafirë të DASHUR në shtëpinë
time..

Dje në shtëpi kisha një mysafir të rrallë, një figurë që bashkon kombin, që e lartëson imazhin e shqiptarit në botë me talentin dhe gjeninë e tij, Ismail Kadare me zonjën e tij Helena. Biseduam për Kombin dhe probleme të tjera.